子珊戴760萬鑽飾心郁想嫁
【黃家誼澳門直擊】徐子珊及謝天華昨為《英皇珠寶「帝臻寶鑑」珠寶首飾預展》擔任嘉賓，戴上760萬鑽飾的子珊坦言希望盡快嫁得出，而天華就大爆結婚多年，至今仍未送鑽石婚戒給太太。
徐子珊及謝天華昨雙雙到澳門英皇酒店為珠寶預展擔任嘉賓，英皇鐘錶珠寶董事總經理楊諾思亦有到場支持。分別戴上760多萬及340多萬鑽飾行騷的子珊及天華表現自若，自信心盡顯。
公開求婚會驚
手戴11卡、價值四百多萬鑽戒的子珊直言未收過如此貴重的「禮物」：「我冇收過鑽戒，真失禮，不過媽咪話唔好亂收！」她表示最好收到的第一隻鑽戒會是將來的老公所贈，並希望可盡快收到：「我唔貪心，唔使巨鑽，求婚最緊要浪漫，不過我份人好低調，如果佢公開求婚我會好驚，所以最好喺外國求啦！」她甜笑續說：「最緊要有花，我唔使99支嗰啲，簡簡單單就可以。」
結婚多年的謝天華自爆尚未補送婚戒給老婆。
子珊與天華行珠寶騷，英皇鐘錶珠寶董事總經理楊諾思親自打氣。
飾櫃的珠寶價值不菲，令子珊天華大開眼界。
在旁的謝天華聞言就笑言自己亦是「浪漫主義」者，當年出國到雪山打算求婚，卻不幸發生了一段小插曲：「我已經買定一卡鑽戒，出發上山前擺好咗喺背囊，點知喺車畀人敲爛玻璃成個袋偷走咗！」
拎「舊雪」求婚
天華笑言當時只好拎「舊雪」求婚，更自爆至今仍未補送婚戒給太太，他笑說：「嗰時本來想喺當地買嘅，但老婆又怕太急買唔到心頭好，所以到依家都未買。」
是次為珠寶展擔任模特兒的二人亦分別戴上巨鑽戒指，尚未買婚戒予太太的天華笑言：「其實我都唔介意買咁大隻鑽戒畀老婆，買得起證明我有能力！」